Yeh jafaa-e-gham ka chaara by Faiz Ahmed Faiz
Yeh jafaa-e-gham ka chaara woh najaat-e-dil ka aalam
Tera husn dast-e-isa teri yaad ruh-e-mariam
Dil-o-jaan fidaa-e-raahe kabhi aa ke dekh hamdam
Sar-e-ku-e-dil-figaaraan shab-e-aarzoo ka aalam
Teri deed se sivaa hai tere shouq mein bahaaraan
Woh chaman jahaan giri hai tere gesuon ki shabnam
Yeh ajab qayaamatein hain tere rehguzar mein guzraan
Na hua ki mar mitein hum na hua ki jee uthein hum
Lo suni gayi hamaari, yuun phire hai din ke phir se
Wahi gosha-e-afas hai wahi fasl-e-gul ka maatam