Tune Pucchi hai Imamat ki haqeeqat

Tu Ne Puchi Hai Imamat Ki Haqeeqat Mujh Se,
Haq Tujhe Meri Tarah Sahib-e-Asrar Kare.

Hai Wohi Tere Zamane Ka Imam-e-Barhaq
Jo Tujhe Hazir-o-Mojood Se Bezar Kare

Mout Ke Aaeene Mein Tujh Ko Dikha Kar Rukh-e-Dost
Zindagi Tere Liye Aur Bhi Dushwar Kare

De Ke Ehsas-e-Zayan Tera Lahoo Garma De
Faqr Ki Saan Charha Kar Tujhe Talwar Kare

Fitna-e-Millat-e-Baiza Hai Imamat Uss Ki
Jo Musalman Ko Salateen Ka Prestar Kare!

Allama Iqbal